Avropa ittifoği ticori mıbodiləon de İron 22 faiz ozavziye
"Yuro Stat" Avropa ittifoği ticori mıbodiləon de İron 22 faiz ozavziyəku xəbəş do.
Yuro Stat elanış karde: Milodi 2022 minnə sorədə və çəy 11 manqi mıddətədə, Avropa ittifoği ticori mıbodiləon de İron 22 faiz əlovə bıə və bə 4.715 milyard avro rəsə.
Bə İrna raporti əsos, Milodi 2022 minnə sorədə Avropa statestikaon mərkəz (Yuro Stat) İroni həmmə ticori mıbodiləon iyən 27 qılə Avropa ittifoği uzv, 4.715 milyard avro elanış karde.
Yanvari manqonədə tosə Milodi 2022 minnə sori Noyabrə manqədə, İron iyən Avropa ittifoği ticori mıbodiləon de Milodi 2021 minnə sori muğaisədə, 22 faiz əlovə bıə.
Milodi 2021 minnə sori 11 manqi əvvələdə, 2 tərəfə həmmə mıbodiləon 3.86 milyard avro elan bıə be.
Bə ım raporti əsos, Milodi 2022 minnə sori 11 manqi əvvələdə, Avropa ittifoği ixracat bə İron həm de Milodi 2021 minnə sori muğaisədə 22 faiz əlovə bıə və 3.048 milyard yoroku bə 3.739 milyard avro rəsə.
Avropa ittifoği uzvon miyonədə Almaniya de 1.465 milyard avro ixracat veyə səhmi soybe jəqo ki 39 faiz Avropa həmmə ixracat bə İron, Almaniya məğsədiku be.
De ım vucud ki Almaniya dıvləti rəsmi şəxson bə İron İslom Respublika ələyh siyosiyə sıxənon voteydən əmmo Milodi 2022 minnə sorədə ım kişvəri ticori mıbodiləon de İron vey əlovə peydoş kardə.
Milodi 2022 minnə sori 11 manqi əvvələdə və de Milodi 2021 minnə sori muğaisədə, Almaniya ixracat bə İron 12 faiz əlovə bıə.
Yanvari manqon mıddətədə, tosə Milodi 2022 minnə sori Noyabrə manqədə həm Avropa ittifoği varid bey bə İron 20 faiz əlovə bıə və bə 976 milyon avro rəsə.
Dəvardə sori muğaisədə Avropa ittifoğ 812 milyon avro İroniku əmtəə varid kardəş be.
Milodi 2022 minnə sori 11 manqi mıddətədə, İroniku varid bey cəhəto, Almaniya iminnə Avropa kişvər be.
Milodi 2022 minnə sori 11 manqi mıddətədə, İroniku Almaniya varid bey, de 5 faiz ozavziyə dim bə dim bıə və bə 260 milyon avro rəsə.
