İron və Tırkiyə konsuli mıştərəkə komissiya bərpo bey

İron və Tırkiyə konsuli mıştərəkə kamissiya 19 minnə iclos bə xarıci vəzarətxonə konsul, parlament iyən İronıjon muavin və Tırkiyə xarıci vəziri muavini yoləti bərpo bıə.

Bə İrna raporti əsos, zinə İşəmbə rujədə, Tehronədə, İron və Tırkiyə konsuli mıştərəkə kamissiya 19 minnə iclos, bə xarıci vəzarətxonə konsul, parlament iyən İronıjon muavin Əlirıza Bikdıli və Tırkiyə xarıci vəziri muavin Yasin Əkrəm Serini yoləti və həmçınin 2 qılə kişvəri beynəlxalğə polis və məhkəmə vəzarətxonə nımoyəndəon və co qılə vabəstə bıə təşkilaton iştirok bərpo bıə.

Im iclosədə, İron və Tırkiyə həmmə konsuli mıvzoon və məsələon əcumlə tələbəon, turizm, tranziti roməvonon, zindon və dastqir bıə kəson, marz iyən polisi məsələon, məhkumon ovoştoniye iyən qınohkoron oqardey, rəsmi marzonədə xıdmət ərosnəon hoston kardey, 2 qılə kişvəri ətba problemon peqətey, 2 qılə kişvəri muntəşir bıə sənədon rəsmi zıney və ətba co problemon barədə sıhbət bıə.

İron və Tırkiyə 2 qılə kişvəri rabitəonədə de tərtibinə məşvərəton royku, bə milləti rabitəon əhəmiyyəti təkidışon kardə.

İron və Tırkiyə rəsmi şəxson irodə həmkoəti heste boçiki 2 qılə hamsuyə kişvər veyə mıvzoonədə əcumlə iğtisodi, siyosi və əmniyyəti baxşonədə mıştərəkə mənafe soybin və dəvardə 400 soriku vey mıddətədə, bə çokə hamsuyəti təkidışon be.