Ayətullah Ğurbani İlham Əliyevış tənğid karde.

Bə Diyare Mirza xəbon əsosi Qilan ostanədə vəliyye fəğih nımoyəndə iyən Rəşt şəhri cumə imom, Ayətullah Ğurbani Azərbaycan Respublika və İlham Əliyevi siyasətonku tənğid kardeədə votışe: sionist rejim iyən Amerkə siyasəton Azərbaycan Respublikaədə ki çəy cəmaəti 80 faiz şiə hestin icra bedə.

Ayətullah Ğurbani işarəş karde qıləy şəhidi təşicənazə mərasimədə azəriyə şəhrvand ki sələvat vığandə bə 60 ruj həbs məhkum bedə və ıştə sıxanon dəvomədə votışe:ım məmləkətdə məçiti ki həzrət Fatimə Zəhra(s) nomış heste tətil bedə.

Rəşt şəhri cumə imomi əlavəş karde  xok bə şiə sə ki həzrət Fatimə Zəhra(s) nomi qorə məçiti tətil kardedə.

Ayətullah Ğurbani ıştə sıxanon dəvomədə ki ım haftə cumə nımoji xutbəonədə bəyon be  votışe Azərbaycan Respublika siyasət bəpe əvəz bıbo və əlavəş karde  ağaye Əliyev ğərore ki bə Qilan bo çəy ğədəm çəşon sə əmmo bəpe bızono ki çəy hukumət həm bə oxo bərəse  və əv şiəy və bəpe bənə şiə əməl bıkə.

Qilan ostanədə bıə vəliyyefəğih nımoyəndə bə İlham Əliyevi votışe:bə neyzə sə ıştəni dəhaşte bəbe əmmo neyzə sədə nibəbe nışte.

Ayətullah Ğurbani əlavəş karde: səvet hukumət de neyzə sə muvəfəğ nıbı və arəku şe.

Rəşt şəhri cumə imomi Ayətullah Ğurbani bə İlham Əliyev pandış do omidəvom ki bə huş boş və istimarı dasti ğət bıki.