İroni məədəni sənaye ixracati erj 9 milyard dollariku vey əlovə bıə

İroni məədəni sənaye iyən məədəni baxşi ixracati erj, bə 9 milyard dollariku vey əlovə bey rəsə.

Milodi 2022 minnə sori Martə manqi 21 minnə rujiku tosə Milodi 2022 minnə sori Dekabrə manqi 21 minnə ruj, İroni məədəni sənaye iyən məədəni baxşi şirkəton, 35 milyono 544 həzo 900 ton məədəni sənaye iyən məədəni muxtəlifə məhsulon ixracışon kardə ki çəvon erj 9 milyardo 98 milyono 500 həzo dollar be.

Bə İmido umumiyə rabitəon raporti əsos, de ım vucud ki mədəni sənaye və məədəni baxşi məhsulon qlobal ğeyməton kam bıə, ım baxşədə İroni ixracat de dəvardə sori muğaisədə vəzni cəhəto, 5 faiz əlovə bey nışoş do.

İroni vey ixracat bə pulo zəncirə və pulo məhsulon məxsuse ki çəy erj 4 milyardo 883 milyon0 600 həzo dollar be və mısi zəncirə iyən çəy məhsulon dıminnə rotbə şomil bıdə ki çəy erj 1 milyardo 118 milyono 200 həzo dollare və ixracati 3minnə rotbə bə aluminum iyən çəy məhsulon məxsuse ki çəy erj 854 milyono 300 həzo dollar be.