İslomiyə İnğilobi Yolə Rəhbər: İroni inkişofi prespektiv, ısətnə proqonozonku vey ruşine.

İslomiyə İnğilobi Yolə Rəhbər, çand sa nəfər istehsoləkəyon, ko icodəkəyon iyən bə elmi əsos bıə baxşon əktivə şəxson vindemonədə, milləti tale və İroni inkişof prespektivi, ısətnə proqonozonku vey ruşin unvanış kardə.

Bə Yolə Rəhbəri məlumatərosnə mərkəzi raporti əsos, Deşəmbə, Həzrəte Ayətullah Xamenei İroni ko icoəkəyon iyən istehsol baxşədə bıə əktivə şəxson hiss kardəninə fəaliyəton, çəvon ruhiyə iyən umuku ıştə rizoyəti nışoş do iyən hamiyəşe: de diğğət bə kişvəri mənbəon, coqrafiya, beynəlxalğ, siyasi və xususi koəkə ğıvvon mıvğiyəti, kişvəri ozavziye zərfiyət və istedod vey barz iyən kali baxşonədə mislış nıbıə istedadonku şomil bıdə ki bə həminə illəti xoto, milləti vəomey iyən İroni inkişof prespektiv, ısətnə proqonozonku vey ruşin bəbe.

İnğilobi yolə rəhbər, İroni ruşinə tale bə iğtisodi vey rə və dəvominə ozavziyə ehtiyoc bey əsos zınəş be və de işorə bə İroni inkişofi 7minnə bərnomə və plani ki de ədoləti bə ico iğtisodi bə inkişof rosniyey cəhətədəy, bə iğtisodi ozavziye ehtiyocon təbyin kardey təkidış kardə və hamiyəşe: məişəti hiss kardəninə problemon iyən ailəon jimoni muşkilaton həl kardey, çı iğtisodi bə inkişof rosniye komilən vacibış kardə.

Həzrəte Ayətullah Xamenei ijən cari sori de “istehsol, bə elmi əsos ko icod kardey” unvani nom noey, təğribən de iğtisodi fəaalon bıə dəvardə sori vinvemoniku nəticə zınəş be iyən əlovəş karde: 2 ruj çımiku bənav ki qıləy nımoyeşqohku vindemon kardeme, oşko bıə ki sori şuari hissədə vey çokə koon əncom bıə. Co tərəf ım vindemonədə kişvəri iğtisodi inkişofin barədə, iğtisodi əktivə şəxson sıxənon çokə ummid iyən mıjdəvonətion nışoş do və Şəmsi 1401 sori i minnə 6 manqədə, rəsmi funqsiya iyən indekson çı hərəkət və ozavziye sobot kardedə.

İnğilobi yolə Rəhbər veyə baxşonədə, ımrujnə muvəffəğiyəton, təğribən dəvardə 15 sori mıddətədə bıə elmi hərəkəti bino bey nəticə zınəş be və təsdiğış karde: alimə cıvonon bəpe dınyo elmi iminnə sərhəddonku həm dəvardon və ım orzu bə vırə rosniyero bəpe zəminəon hozzo bıkon ki 50 sor bədiqə əqə i kəs pidəş bıbu elmi tojəonku xəbədo bıbu, bə Farsi zıvoni yod qətey məcbur bımando.