İroni ğeyri nat məhsulon ixracat bə 46 milyard dollar rəsedə

İroni prezidenti i minnə muavin votışe: İroni ğeyri nat məhsulon ixracat tosə bə ısət vey çokə vəziyətədəy iyən bə 46 milyard dollar rəse holədəy.

Bə İrna raporti əsos, Muhəmməd Muxber Tehronədə bıə ostanon ali şura 13 minnə iclosədə əlovəş karde: proqnoz bıdə ki tosə ımsornə sori oxo ın miğdor ğeyri nat ixracati miğdor bə 60 tosə 70 milyard dollar bırəsi.

İroni prezidenti i minnə muavin bə İroni iğtisodədə bıə bəzi problemon vucudi işorə və təkidış karde: İroni dıvləti cəhd ıme ki de investoron cəzb və istehsal iyən ko sahədə şərayeti hoston kardey vositə həminə muşkilaton həl bıko.