Rəyisi: İslomiyə İnğilobi muvəffəğiyəton bə İroni həmmə milləti məxsuse

İroni İslomiyə İnğilobi Yolə Rəhbər de tovhidi dinon tərəfdaron iclosədə, İslomiyə İnğilob və çəy muvəffəğiyəton bə həmmə İroni millət de harcurnə ğovm iyən məzhəbi məxsus bey, elanış kardə.

Bə Prezidenti məlumatərosnə raporti əsos, zinə şəv həminə iclosədə ki bə İslomi əzəmətinə inğilobi səbarzəti 44 minnə sorəqardışi mınosibəti xoto bərpo bıə, İron İslom Respublika prezident, seyd İbreym Rəyisi votışe: Fəcri da rujon əyyom, həmmə kəsonro, İroni milləti yolə səbarzətion yodəkəy. əv ijən əlovəş karde: ım səbarzətion İroni həmmə yolə millət de harcurnə zıvon, məzhəb iyən bovə, muğavimət iyən bəsirəti xotoe.

İron İslom Respublika Prezident,İroni milləti muğavimət iyən istateqi, Amerkə makzimum təziğon məğlubiyəti amil zıneydə iyən təsdiğış karde:Im muhimmə məsələ nışoş do ki İroni millət bəpe bəştə vəhdət əlovə ko iyən de muğavimət iyən istadeqi deştə mədəni, iğtisodi və siyasi istiğloli bə inkişof rosniyero ıştə həmmə ko iyən cəhdon əncom bıdə.

Rəyisi ıştə co qılə sıxənonədə, bə İslomi yolə Peyğəmbər(s)-i be ehtıroməti bənə bə həmmə ənbiya(ə) iyən ilahi və tovhidi dinon be ehtıroməti kardey zıneydə iyən əlovəş karde: ım ki i kəs bəştə icozə bıdə ki qıləy dıvləti jintonədə, bə 2 milyard mısılmoni İlahi Peyğəmbər be ehtıroməti bıko, çəy nom ozodi ni, bəlkəm bə zəmini sə, bə həmmə Xıdo bovə kəson be ehtıroməti kardey mənodəy iyən ım məsələ bəyoni ozodi məhdudəkəy.

İron İslom Respublika Prezident, de İmom Xomeyni(r)-i vositə, bə əmə umutəşe ki co kəson dar, çəmə darde, əv ijən təsdiğış karde: bə həminə metodi diyə kardey əsos, vaxti Tırkiyə iyən suriyə marzədə, millət bə təbii mısibəton iyən bomə larzə qiriftorin, jıqo bəbe ki əmə bə ım hodisə iyən problem dıço bıəbimon.

Rəyisi ijən təkidış karde: əqə şəhid Suleymani co kəson dard, bəy muhim nıbe, boçi İrağədə şəhid bıə be? əv şə ki İraği millət iyən məntəğə həmmə milləton Təkfiri terroriston şərriku ki de dini hiç rabitəşon nıbe əmmo bə dini nom cinoyət kardedə bin, nicot bıdə.

İron İslom Respublika Prezident ijən əlovəş karde: ımruj həmonə kəson ki bə yəhod nom, Fələstinədə və bə çəy məzlumə milləti zılm kardedən, de yəhodi din iyən Həzrəte Musa(ə)-i tərəfdaron hiç rabitəşon ni.