Rəyisi: İroni yolə millət de səbarzəti, dışmoni həmmə xəbisə planon məğlubış kardə

İron İslom Respublika prezident, de qıləy mesaji ğolibədə Bəhmənə manqi 22 minnə ruji reaksiyaədə milləti iştirokiku ğədrdonətiş kardə iyən təkidış karde: İroni yolə millət de səbarzəti, dışmoni həmmə xəbisə planon məğlubış kardə.

İron İslom Respublika prezident Seyd İbreym rəyisi qıləy mesaji ğolibədə votışe: de ım vucud ki xəbisə planon kəşə kəson xomə xiyolışon be, ımsor Bəhmənə manqi 22 minnə aksiyaədə inğilobi hərət və iştiroki ğəhrəmonətiku tojə cilvəon nışo doə bıə.

Im mesajədə omə ki ımruj həmmə millət xususi inğilobi tojə nəsl, dəvardəku vey, meydonədə vey momen, vey zumand, vey muğavim iyən vey ğoym muğavimət kardedə və bə İslomiyə inğilobi fəxrinə roy dəvomi isror kardedə.

Bə prezidenti məlumatərosnə baza raporti əsos, ım mesajədə Rəyisi voteydə, inğilobi səbarzəti ruji tojədən nışo doeyədə  milləti huşin və həmdıləti iştirok de şəhidon xotirə və bə ozodi roy hərəkət kardə kəson yolqətey bə ico be və ım nışoş do ki 1357 minnə sori islomiyə inğilob ki ədolət tələb iyən  həğiğət tələbə insonon fidokorəti nəticəy, həmçınan əktiv bəştə roy dovom dodə.

Im mesaji oxoədə omə ki İnğilobi səbarzəti əvvəliku İroni millət sultə xəbisə planon əcumlə 8 sornə icbor bıə canq və iğtisodi canq iyən zalımonə sanksiyaon şoyd bin və ısət həm deşmınon de tərkibi canq de İroni millət və çəvon hədəfon muğabilədən əmmo İroni yolə millət de səbarzəti həmmə ım maneon peqətəşone.