Qorqanədə İslomi vəhdət 2minnə beynəlxalğə iclos

İslomiyə məzhəbon təğrib beynəlxalğə icma rəis votışe: Qorqanədə İslomi vəhdət 2minnə beynəlxalğə iclosi dəvoniyeku hədəf, çı təfrəğə nəzəriyə rəd karde iyən islomiyə umməti miyono vəhdət zərfiyətiku istifodə karde heste.

Bə İran Peres aqentiyəti raporti əsos, Huccətullah Həmid Şəhriyari Qorqanədə votışe: İslomi ummət bəpe İslom dini Peyğombər(s) sirə jintonədə de İslomofobiya təbliğ kardə kəson iyən təfrəğə icod kardə kəson mubarizə bıkon.

Huccətullah Həmid Şəhriyari təkidış karde: de votımon iyən cihod təbyin karde bəbe əvoni ki de cəhl və nodonəti bə deşmon tabe mandən aqah karde.

Huccətullah Həmid Şəhriyari ijən votışe: İroni Qorqan ostanədə bıə muxtəlif məzhəb-ğovmon jimon dəvardə 44 sori mıddətədə subutış kardə ki İroni millət de sulh və səmimiyəti yandə kənoədə jimon karde bəznen.

Şəhriyari izhorış kardə: Qolestan ostanədə milləti jimon karde bəzne bo islamiyə umməti bənə ulqu bıbu ki ım iclosi Qorqanədə dəvoniyeku hədəf həmin məsələ be.

İslomiyə vəhdət reqonal beynəlxalğə iclosi 2minnə dıvrə de İron, Rusiyə, Tırkəməniston, Ozbəkiston, Ğırğizıston və Ğəzaxıstoniku şiə və sınni alimon iştiroki zinə İroni şimol Qorqanədə bino be.