Rəyisi: Avropa ittifoği rəsmi şəxson, bə İroni məntıği tələbon etırofışon kardə

İron İslom Respublika Prezident votışe: Avropa rəsmi şəxson sanksiyaon peqətey muzakirəonədə, bə İroni məntıği tələbon etırofışon kardə.

Milodi 2022 minnə sori Avqustə manqi 4 minnə rujədə Vyana şəhrədə, İroni sanksiyaon peqətey muzakirəon bərpo bıə və Avqustə manqi 8 minnə rujədə bə oxo rəsə.

Vyanaədə Çand manq muzakirəon bəpeşt, sanksiyaon peqətey muzakirəon bə ım mərhələ rəsə ki ehanə Amerkə bənə atomiyə sazışi darşiye muzakirəon tərəf, İroni məntıği tələbon və qıləy stabilə təvafuği ehtiyocon ğəbol bıko, təvafuğ icod bəbe.

İron İslom Respublika Prezident, Seyd İbreym Rəyisi de CGTN kanali mısohibədə təsdiğış kardə: Amerkə və Avropa iddioşon kardə bə təvafuği dumoədən əmmo əmələdə jığo ni.

Rəyisi bə İroni milləti ələyh canq, ğərbi zalımonə sanksiyaon zıneydə və votışe: Amerkə və Avropa de muzakirə mizi tərk kardey və İronədə iğtişoşonku himoyə kardey vositə, vey səhv və xətoədən.

İron İslom Respublika Prezident həmçınin muxtəlifə zəminəonədə, bə Tehron və Pekin həmkoətion hevujəti təkidış kardə və 2tərəfiyə rabitəon vey kanə rabitəon zıneydə.

Dəvardə soronədə 3 qılə yolə səthədə, yəni "siyasi-iğtisodi", "əmniyyəti-mudafiə" və "qeopolotiya-strateqiya" baxşonədə  İron və Çin ıştə rabitəon hevujışon kardə və 25 sornə stratejikə sənədi imzo  kardey ım prossesi komil kardey cəhətədə be.

Bə həminə məsələ xoto, Fevrali 14 minnə rujədə, İron İslom Respublika Prezident, Seyd İbreym Rəyisi bə Çini prezidenti rəsmiyə dəvəti əsos, bə ım kişvər səfərış kardə be.

Rəyisi de Çini prezident, ım kişvəri iminnə vəzir və Xəlği milli konqresi yoli vindemoni bəpeşt, Fevrali 16 minnə rujədə bə Tehron varid bıə.