Bə İron, ticori heyəton varid bey əlovə bıə

İroni sənaye, məədən və ticorəti vəzir bə kişvəri ticori heyəton varid bey əlovə peydo kardey işorəş kardə iyən votışe: dəvardə 11 manqi mıddətədə, 60 qılə Afrika ticori heyət və 30 qılə Rusiyə ticori heyət bə İron omişone.

Milodi 2021 minnə sori Avqustə manqi 3 minnə rujədə, İroni 13minnə dıvlətiku tosə bə ısət, de xarıci siyasətədə balans icod kardey elami, de hamsuyə və məntəğə kişvəron həmkoəti hevujəti ıştə xarıci bərnoməon iminnə koonədə ğərorış do.

Reqional siyasət, bə şərğ diyə kardey, məntəğə və beynəlxalğə təşkilaton bənə Şanxay mığuvilə, və Eko iğtisodi həmkoəti təşkilotədə həmkoəti kardey, əcumlə İroni xarıci siyasəti balans icod kardey nmunəonin ki 13 minnə dıvləti səmtiku təğib bəbe.

Bə İrna raporti əsos, İroni sənaye, məədən və ticarəti vəzir, Seyd Rıza Fatemi Əmin əlovəş kardə: dəvardə 11 manqi mıddətədə, İron 12 kərə de Avrasiya iğtisodi ittifoğ muzakirəş kardə boçi ki ım ittifoği uzv bıə kişvəron cəmədə 180 milyon nəfər cəmiyət və 700 milyard dollar xarıci mıbodiləon soybin ki İroniro vey çokə vıjor bə hisob omeydə.

Fatemi Əmin həmçınin de hamsuyə kişvəron ticorətədə İroni vəziyəti barədə votışe6 Milodi 2022 minnə sori Martə manqi 21 minnə rujiku tosə Milodi 2023 minnə sori Yanvari 20 minnə ruj, İroni ixracat bə İrağ 23 faiz, bə Tırkiyə 46 faiz, bə Oman 63 faiz, bə Rusiyə 23 faiz və bə Afrika kişvəron 20 faiziku vey əlovə bıə ki ixracat baxşədə İRoni hərəkəti nışonəy.