De Həzrəte İmom Huseyn(ə)-i milad iyən İronədə pasdaron(mıhofizon) ruji mınosibəti təbrik.

Imruj cumə, Miladi 2023 minnə sori Fevrali 24, Hicri Ğəməri 1444 minnə sori Şəbanə manqi 3 dınyo şiəyon 3 minnə İmom Həzrəte İmom Huseyn(ə) moəku bıə ruji sorqardımone; İroni təğvimədə imruj çı pasdaron ruj ğeyd bıə.

Şəbanə manqi 3 minnə ruj islam iyən Həzrət Muhəmməd(s) şəriəti yolə əzizə pasdari mubarəkə sorqardımone ki kərbəlo əzəmətinə məydonədə dıştə stajış nıbıə fidokarəti bə aləmi ozodəti iyən ğəyrət dərsış do; yolə şəxsiyyəti ki bə Kərimə Ğıron iyən əzizə İslamiku mudafiyə kardero vey aliyə nımonə və simvol bıə.

İroni İslamiyə Respublika təsisəkə mərhum İmom Xomeyni çı Həzrəte İmom Huseyn(ə) milad rujış pasdaron ruji vıjnişe ta şiəyon 3 minnə İmomi izzət, ozodəti iyən bəsirət heju əçəy şiəyon məxsusən islamiyə inğilabi pasdaron rəftor iyən jimoni ulqou və usvə bıbu.

İslamiyə İnğilobi Sepahe Pasdaran ironi islamiyə inğilab iyən bə İslamiyə Respublika nizomi mudafiyə kardero bənə qıləy təsirinə silahinə ğıvvə çı İroni milləti yolə fəxre ki həmmişə tarixədə vavriski dodə.

İron İslom Respublika Tolışi Rədio tərəfo ım mubarəkə ruji bə həmmə mıslmonon məxsusən tolışə həmzıvonon iyən dınyoədə ozodtələbon təbrik ərz kardıdəmon.