Ərbəyine Huseyn(ə)-i həmohənqiro İron və İraği mıştərəkə əməliyotiyə ğərorqoh

Ərbəyine Huseyn(ə)-i mərkəzi ğərorqoh yol, qıləy mıştərəkə əməliyotiyə ğərorqoh icod beyro, de İraği kişvər, İron İslom Respublika təvafuğiku xəbəş do.

Ərbəyine Huseyn(ə)-i mərkəzi ğərorqoh yol, Seyd Məcid Mirəhmədi votışe: həminə mıştərəkə əməliyotiyə ğərorqoh icod bey hədəfi jıqo elanış kardə ki vəoməy sori Ərbəyine Huseyni mərosimədə de İmom Huseyn(ə)-i ziyiron muşkiloton və problemon həl və həmohənqionro çokə planon əncom bıbu.

Bə Fars aqentiyəti raporti əsos, ım iclos kişvəri vəzarətxonə vırədə və bə mərkəzi ğərorqoh yol Seyd Məcid Mirəhmədi riyosəti və de vabəstə bıə təşkiloti nımoyəndəon iştirok bərpo bıə.

Mirəhmədi həmçınin votışe: marzi dəvardə roon hevujətiro de İraği tərəfon votımon və təvafuğ bıə ki həminə ko əməliyoti beyro texniki zərfiyəton təğib və icro bıkon.