Elmi istehsol baxşədə, İron, dınyo 15 qılə kişvəron miyonədə ğərorış qətə.

İroni elmon, təhğiğon və texnoloqiya vəzarətxonə tələbəon koon təşkiloti yol votışe: elmi istehsol baxşədə İron, dınyo 15 qılə kişvəron miyonədə ğərorış qətə.

Bə İrna raporti əsos, zinə İşəmbə rujədə İroni elmon, təhğiğon və texnoloqiya vəzarətxonə tələbəon koon təşkiloti yol Haşım Dadaşpur, Tehronədə beynəlxalğə universiti tələbəon cəzb kardey iminnə festivali bərpo beyku xəbəş do iyən votışe: ım festival, Martə manqi 6 iyən 7 minnə rujədə, və Tərbiyət Mudərres nomo bıə universitiədə və de elmi və siyasi şəxsiyəton iştiroki bərpo bəbe.

Dadaşpur ijən bəyonış karde: beynəlxalğə universiti cəzb kardeyədə dınyoədə İron 10 qılə kişvəron miyonədə ğərorış qətə. və İronədə bə təhsil məşğul bıə kəsonku 30 faiz xanım iyən 70 faiz mırdon hestin, əv ijən votışe: həminə beynəlxalğə tələbəon veyə miğdor hamsuyə kişvəronin ki əcumlə İrağ, Əfğanıston, Pakiston, Hınduston, Suriyə, Livan və Tırkiyə kişvəron şomilin.