Rəyisi: İroni vəlyutə həyəcononədə, xiyaboniyə iğtişoşon məğlub bıə kəson rolışone

İron İslom Respublika Prezident kişvərədə vəlyutə məzənnə hətto tətilə rujonədə ziyod bey barədə votışe: İroni vəlyutə həyəcononədə, xiyaboniyə iğtişoşon məğlub bıə kəson rolışone.

Dəvardə 2 haftədə, İroni vəlyutə vojorədə pesoxtə bıə tələbon əncom bey, və vojori tərəfo har qılə təklif de qıvonə tələb dim bə dim bəbe.

Həminə tələb həm xarıci dışmonon mediyaon tərəfo həm təbliğ bıə və ım mediyaonədə de bəji surət vəlyutə vojori xəbəon muntəşir bəbe, ım xəbəiyə xət İroni vəlyutə vojorədə həyəconi əlovə bey nışoş do, vəlyutə məzənnə əlovə bey peştədə qıvonə bərnomə mucude və İron İslom Respublika hiç vaxt de qıləy tələb və təklifi iğtisodi coyləti dim bə dim ni.

Votey bəbe ki İronədə çand ruj vəlyutə ğeyməti əlovə bey bəpeşt, Amerkə demokratiyaku mudafiə təşkiloti yol həm İronədə həminə məsələ hodis beyku ıştə şoəti nışoş do iyən həminə məsələ barədə ıştə Tvitterədə nıvıştəşe: "jəqo ki proqonoz bəbe, dollari ğeymət bə 600000 riyol həm bərəs. mumkine ki vey rə dollari ğeymət bə 1000000 riyol həm bərəse."

Həminə məsələ nışoş do ki İronədə vəlyutə ğeyməti əlovə bey sıron çiçe və sobit kardedə ki ım vəlyutə həyəconon təsadufi nıbe və de qıləy vəlyutə canqi dim bə dime.

Bə İrna raporti əsos, Zinə Deşəmbə İron İslom Respublika prezident Seyd İbreym rəyisi de ostanon mərkəzon cımə imomon və vəlie fəğih nımoyəndəon vindemonədə əlovəş karde: İronədə ğeyməton vey rə əlovə bey bə ticorət iyən vojori əmilon rəbtış ni, və fəğət iğtisod baxşədə həyəconon icod beyro cəhdon nəticəy ki kişvəri xarıciku icod bəbe və de təəssufin bəzi şəxson daxılədə ım məsələonədə təsirışone.

Rəyisi ijən əlovəş karde: ım hodisə vey muxtəlifə illəton soybe ki çəvonku vey muhimmə illət xarıci daston rol bə hisob omeydə.

İron İslom Respublika prezident ijən təsdiğış karde: vaxti deşmon vindışe ki İroni milləti bə inkişof şey mığubilədə çəy icod bıə problemon məğlub bıən, əvvəl xiyaboniyə iğtişoşon icodış kardə və vaxti həminə fitnədə həm bə milləti oqohəti və bəsirəti xoto məğlub bıə ıştə həmmə cəhdon əncomış do ki milləti miyonədə de no rizoyəti və be etımo icod kardey vositə ıştə nəhsə hədəfon dumoədə bıbu.