Dınyo gimnastika rəğabəton; İroni 2 qılə varzışkoron finalist bıən

İroni milli kamanda 2 qılə gimnastika varzışkoron bə Ğətərədə bıə dınyo gimnastika rəğabəton final mərhələ ro peydo kardışone.

Bə İrna raporti əsos, iyən qimnastika dınyo çempionati çərçivədə iyən Oləmpiyada səhmiyə kəsb karde çərçivədə Mehdi Əhmədkohəni de 14.666 numrə kəsb karde muvəffəğ be ki bə final mərhələ ro peydo bıko.

Mehdi Olfəti həm de 14.299 numrə muvəffəğ be ki 30 qılə co varzışkoron miyono bə final mərhələ ovaşto.

In rəğabəton ımruj və maştə həm dəvom kardedə.

Mubin İbrohimi iyən Rıza Xeyrxah çı İroni gimnastika milli kamanda hidoyəti bə ohdə peqətəşone.