İnğilabi yolə rəhbər: mığəddəsə mudafiyə devran ironi milləti sərvəte.

İslami inğilabi yolə rəhbər həzrət ayətullah Əl-uzma Xamenei 8 sor mığəddəsə mudafiyə devranış ironi mədəni və erjinə sərvətonku qıleni zınəşe.

İslami inğilabi yolə rəhbəri zinə sıb Nori ro şəkəson rəsmi şəxson iyən sərdaron və mığəddəsə mudafiyə devrani rəzməndəon vindımonədə işarəş karde ki  Nori ro şəkəson qıləy yol və muhimmə hərəkət və qıləy tojə texnoloqiya mığəddəsə mudafiyə devrani sərvət və bənə  tele(ğızıl) mandə mədəniku istifadə kardeyu heste və votışe: çəmə nıpiyəkəson mədəniyə planonədə mubarizə karde yeqanə ro mədəniyə istihsal və mığəddəsə mudafiyə devranədə bıə yolə sərvət və zumandə sərçəşməku istifadə karde həmmə əsronədəy.

Həzrət ayətullah Əl-uzma Xamenei mığəddəsə mudafiyə devranış ironi milləti tarixbısoxtə rujonkuş zınə və əlavəş karde heç qıləy holətədə bəpe nahaştəmon ki mığəddəsə mudafiyə devran və çəy dərson yoddə beşon.

islami inğilabi yolə rəhbəri Nori ro şəkəson planış mığəddəsə mudafiyə devrani erjon və dərson yoddə benıkardə dəlilış zınə və votışe:ha qıləy ko inkişaf doeyu bəpe mutəmadiyə holətədə çəyku muğət bıbi ta ə əməl ıştə səhihə royku bə xəto enıqıno.

islami inğilabi yolə rəhbəri əlavəş karde  zuəvoton vədə mande bovə və həmçinin bovə bə ım məsələ ki əqər muğavimət bıkəmon be şək bə deşmen ğələbə bəkamon ironi milləti  coqlə sərvət və mədəniyə erjonkuy.

Həzrət ayətulla Əl-uzma Xamenei bə ironi zid təşkil bə canqi barədə bə qıləy muhimmə məsələ işarəş karde və votışe:zəifəti his hucum kardeyu bə deşmen ruhiyə bədoy buçimi əsos deşmeni hucumkardeku bə kəno oqəteyu bəpe zəifəti hissi nışon doeku bə  kəno mande və veyə  zumandətioni ki  dastədə heste əy oşko bıkəmon.

islami inğilabi yolə rəhbər həmçinin bə deşmenon planon işarəş karde ki hərəkət kardedən bə inğilab və mərhum imom Xomeyni aşiğ bə cıvonə nəsli bə ğərbı mədəniyyət vabəstə bə nəslədə əvəz bıkən və ıştə sıxanon dəvomədə əlavəş karde  mədəniyə planon əmniyyətiyə təziğonsə veyə xətoşon heste və hətta hərbiyə hucumonku həm bəpe heste çunki deşmeni hərbiyə hərəkət bə milləti zumand və əçəy vəhdəti ve bəkay əmmo mədəniyə hucum iradəon zəif bəkay və cıvonə nəsli məmləkətiku  bəqəte.