Tələbəon zəhrin kardey məsələ barədə İroni kişvəri vəzarətxonə bəyoniyə

Tojədən İroni daxıli vəzarətxonə bəyaniyə sadirış karde və təkidış be ki çı iştimaiyəti səlomət və pesixi oroməti bəyande jə kəson ki de pesoxtə xəbəon umum iştimaiyətədə dəhəşt icod kardışone ijən xarıci mediyaon be hədəfə təbliğon ğolibədə İroni daxilədə təşviş və bıhroninə şəroyeti vıcudi ilğa karde fikədə bin,məhkəmə tərəfo peydo və təğib bey holədən.

Bə həminə bəyoniyə əsos ki kinə məktəbxonəon vəziyəti barədə təhğiğon bəpeşt elan bıə de xoşbəxtiyəti kinə tələbəon hol əhvol çoke və fəğət 5 faiz zəhrin bıə kinəon analiz nəticədə təhrikomizə məteriyaloni peydo bıə ki cinoyət iyən zıne-zıne hərəkəton vıcudiku hikayət kardedə ki çəvon barədə nizomi-intizomi və kəşfiyot təşkilaton ciddi və zumandə təhğiğon dəvom kardedə.

İroni səhiyyə vəzarətxonə həm ıştə raportədə təkidış karde ki təhrikəkə məteriyal canq və xətərnokə maddoni və qırd nəfəsədə problem peydo karde kinə tələbəon vey rə noxəşxonəku mırrəxəs bıən. Bəzi tələbəon həm rohi və pesixi cəhhəto de problem dim bə dim mandə bin ki əvon çəyku həm vey rə xilos bıən.