Rəzəvi hərəmədə Məhdəvi məxsusə mərosim

De dınyo 3 qılə ğitəonku bıə 5 qılə kişvəronku şiəyon iştiroki Rəzəvi hərəmədə Məhdəvi mənəvi məxsusə mərosim bərpo be.

De Astane Ğudse Rəzəvi ğeyri İronıjə zairon mudiriyət mərkəzi iştiroki və de Pakiston, Hindustan, Avestraliya, Amerkə və Kanadaku 400 nəfər şiə zairon iştiroki Məşhədədə bıə Rəzəvi pokə hərəmədə Məhdəvi mənəvi məxsusə mərosim bə İmom Zəmon(əc)-i milad ruji xoto bərpo be.

Bə İRİB raporti əsos, məzhəbi nıtğ, movludi hande, himn iyən təvoşih, Ali Yasin ziyorəti hande, və bə çand zıvon peqordoniyə bıə mədəni məhsulon baxş karde əcumlə həminə mərosimədə əncom bıə fəaliyətonku be.

Dəvardə haftə Çoşəmbə, Hicri Ğəməri 1444-nə sori Şəbanə manqi 15, Miladi 2023-nə sori Martə manqi 8 dınyo şiəyon 12 minə imom, Həzrəte Məhdi(əc) milad ruji sorqardış be.