Tehronədə nəvuz kişvəron jenon varzışiyə festival
Mar 13, 2023 05:28 Asia/Tehran
De varzış, mənəviyət və ədolət şuari, Tehronədə nəvuz kişvəron jenon iminnə varzışiyə festival de nəvuz kişvəronku nımoyəndəon iştiroki bərpo bəbe.
Bə Fars aqentiyəi raporti əsos, həminə varzışiyə festivali sıxənəvot Məryəm Kazımipur tojədən votışe: dınyo nəvuzə idi bərpoəkə kişvəronku varzışkoron kəbedi, cudo, asp tojniye, karate, futsal, şımşijəe, çoqan və co baxşonədə de yande rəğabət bəkan.
372 qılə xarıci varzışkor de 225 qılə İronıjə varzışkor dınyo 20 qılə kişvəronku həminə dıvrə rəğabətonədə de yande mısobiğə boan.
Xanım Kazımipur təkidış karde ki ın mısubiğəonku hədəf, jenon varzış baxşədə inkişofi bə vırə rosniye və şəxsiyət iyən mədəniyət torixədə və nəvuzə idi zərfiyətiku tam istifodə karde heste.