Rəyisi: 1402 minnə sorədə dıvləti vey muhimmə bərnomə, inflasiya kontrol kardeye

İron İslom Respublika prezident, Seyd İbreym Rəyisi, Hicri Şəmsi 1402 minnə sorədə, dıvləti vey muhimmə bərnomə, inflasiya kontrol kardey, de iğtisodi stabiləti hevujəti bə ico elanış kardə.

Bə İrna raporti əsos, Seyd İbreym Rəyisibə İroni milləti nəvuzə idi mesajədə, 1402 minnə sori dəme mınosibəti təbrik votışe iyən bə nəvuzə idi mınosibəti de Rəməzon mıburəkə manqi həmzəman bey işorəş karde iyən votışe: 1401 minnə sorədə, vey hodisəon icod bıə, həm tıl və həm şinə hodisəon, həm de muvəffəğiyəton və həm de məğlubiyəton bə ico be, əmmo ehanə pidəmone qıləy cumlədə bıvotəm, 1401 minnə sor, İroni milləti zumandəti və sənıvıştsozə meydononədə milləti dəvəşəti sor be.

Rəyisi ijən əlovəş karde: bə çəmə əziizə millət peştepurəti dodəm tojə sorədə,vəədəon bə vırə rosniyero, əcumlə milləti məişəti çok kardey, de fəsod mubarizə bardey, inflasiya kontrol kardey, ko icod kardey iyən istehsoli zumand kardey, dıvlətədə şımə xıdmətəkəyon cəhdon vey əlovə bəbe.

Əv ıştə sıhbəton dəvomədə  xarıci siyasəti baxşədə, əvvəliku dvləti metod diplomatiyaədə balans icod kardey və məntəğə və hamsuyə siyasəti bəyji kardey zınəşe və əlovəş karde: 1401 minnə sor, həminə siyasəti bə vırə rosniye sor be, həlbətə 1400 minnə sori Şəhrivərə manqiku çəmə bərnomə həminə çərçivədə be əmmo 1401 minnə sorədə çəy nəticə bo çəmə əzizə milləti oşko bıə.

Rəyisi ijən işorəş karde ki tojə dınyo və tojə nəzmədə be hərəkət mandey bois bəbe, kişvəri vırə və rol məhv bıbu, əv ijən əlovəş karde: məntəğədə İRoni mıvğiyət, qıləy stratejik və mislış nıbıə mıvğiyəte.

Əv qlobal tojə nəzmi vey muhimmə xusiyətonku qıləyni, bə Asiya yolə ğarrə zumandəti ovoştoniye zınəşe və təsdiğış karde: dınyoədə Amerkə heqemonəti məhv bey holədəy.

Rəyisi ijən dəvomış do: nuyə sorədə dıvləti stratejikə bərnoməonku əcumlə, İroni strateqiya və mislış nıbıə mıvğiyətiku istifodə kardey, tojə nəzmədə İroni yol mlləti bəıştə ali vırə rəseyro, şimol-cənub və şərğ-ğərbi royon əktiv kardeye.