Əmirəbdullahiyan: İron və atomi enerji beynəlxalğə təşkiloti miyono həmkoətion cərəyonədəy

İroni xarıci vəzir votışe: atomi enerji beynəlxalğə təşkilot və İroni miyono həmkoəti və atomiyə sazışədə həmmə tərəfon bəştə təəhudaton oqardey həmçınan çəmə iminnə koonin.

İroni xarıci vəzir, Huseyn Əmirəbdullahiyan de İnqilisi Əlcəzirə televeziya kanali votımonədə əlovəş karde: İroni 13minnə dıvlət, de ım hədəf ki atomiyə sazışi komilə bərnomədə həmmə tərəfon bəştə təəhudaton obəqardən və bə təvafuğ bırəsən ciddi ko binoş kardə və çand haftə iyən çand manq Vyanadə de 4+1 qrup de sərost surət votımon və de Amerkə nımoyəndə de ğeyri sərost surət kali mesajon mıbodilə kardəş be.

Əmidəbdullahiyan həmçınin bəyonış kardə ki Paizə fəsli iğtişoşonədə, bəzi kişvəron əcumlə Amerkə deştə mıdoxiləon vositə bə xəto dıço bıən, əv ijən əlovəş karde: İroni bəzi şəhronədə de iğtişoşon bino bey və xarıci mıdoxiləon İron və Amerkə miyono mesaji mıbodiləon ğeyri mıstəğim əmmo əktiv surət və de sanksiyaon peqətey hədəfi dəvomış peydo kardə.

İroni xarıci vəzir ijən əlovəş karde: İroni atomiyə məsələ həlliro, diplomatiya vey çokə roye və texniki səthədə, İron və atomi enerji beynəlxalğə təşkiloti muzakirəon cərəyonədəy.

İroni xarıci siyasəti təşkiloti yol həmçınin bə Tehroni Yəməni koonədə İ  Bıə Milləton Təşkiloti sərkatibi məxsusə nımoyəndə oxonə səfəri barədə votışe: İron İslom Respublika həmişə məntəğədə əmniyyət və stabiləti və sulh koməkiro vey konstruktikə rolış be və de terrorizm mubarizə bardeyədə məntəğədə İroni rol vey muhimme.

İroni xarıci vəzir həmçınin Tırkiyə və Suriyə miyono problemon həl və sui-təfahomon peqətey muxtəlifə səthədə, 4tərəfiyə votımononku homoyətış kardə və umu nışoş do ki vey rə siyasi votımonon İron, Suriyə, Tırkiyə və Rusiyə xarıci vəziron muavinon səthədə bərpo bəbe.