Fərvərdinə manqi 12, İslamiyə Respublika ruj
Imruj şanbə İslamiyə Respublika ruj, de İroni inğilabiyə milləti dasi, islami əzəmətin iyən ıştə məmləkəti tale təin kardeyədə İroni yolə milləti həğiğiyə tələb və iradə oşko bıə ruje.
Hicri Şəmsi 1358 minnə sor(miladi 1979) fərvərdinə manqi de mərhum imom Xomeyni Rəhbərəti islamiyə inğilabi əzəmətinə səbarzəti bəpeştə İroni sərosərədə islamiyə Respublika referendom bərpo be.
Bə ım referendomi elan bıə nəticə əsos ki Hicri Şəmsi 1358 minə sori fərvərdinə manqi 12 minnə ruj elan be, referendomədə iştirakəkə şərayetışon bıə kəsonku 98 faizis ve islamiyə Respublika bərpo beyədə ıştə muvafiğətışon elan kardə.
De həminə mınosibət, İroni təğvimədə Fərvərdinə manqi 12 minnə ruj İroni islamiyə Respublikaruj nom noə be.
Hicri Şəmsi 1358 minnə sori Fərvərdinə manqi 12 minnə rujədə, İroni millət deştə sərnıvış təyinəkə iştiroki vositə İron İslom Respublika muğəddəsə nizomi torixədə bənə iminnə səçın bə həmmə dınyo nışo dodən ki İroni həmmə millətiro, mıdoxilə dıvron iyən xarıcion bə ğərol omey dıvron dəvardə.
Həmçınin İroni İslomi İnğilob de tojə votımoni vositə, ozodbaxşəti, kapitalizm nizomi kolonizasiya və istismariku sıtəm vində milləton ozod kardey mojdıvonəti və dınyo mıstəzəfon qamə dıləti boisəkə bıə.