Xubreqan Rəhbəri aliyə məclisi oxonə bəyaniyə.

Xubreqan Rəhbəri 5 minə dıvrə aliyə məclisi 2 minə iclos 2 ruji bəpeştə Tehronədə oxonə bəyaniyə hande bəpeştə sə bıə.

Bə İrib raporti əsos Xubreqan Rəhbəri məclisi ali nımoyəndəon ıştə bəyaniyədə bə ım təsirinə məclesi ijən inğilabi mande və inğilabi əməl karde təkid be və de diğğət karde bə imon iyən dini demokratiya peşto porəti bə İroni oğoə millət ğədrdanəti be ki ujnən islamiyə inğilabi bə səbazəti rəse 39 minə sorqardışədə və bə Amerkə cinoyətkorə dıvləti təhdid iyən hərəkəton reaksiya nışo doe xoto de zumandəti məydonədə huzurışon peydo kardə ijən de İroni Yolə Rəhbəri əhd-peymonon dəbaste və bə Ə Həzrəti ləbbeyk votə xoto Bəhmənə manqi 22 ruji yolə aksiyadə iştirokışon kardə.

Xubreqan Rəhbəri məclisi bəyaniyədə həmçınin bə İroni əleyh çı Amerkə siyasəton nıfuz və sultə estratikaonku istifodə karde muxtəlifə sahəonədə təkid bıə ijən ğeyd bıə ki: yəğin deşməni qıləy hədəfon dini və inğilabiyə əğidəonədə nıfuz karde, bə erjun əleyh təbliğ karde, bumi və dini mədəniyəti zəif karde, cıvonon nomid karde, muvəffəğiyəton kam nışo doe, inğilabiyə hədəfon befoydə karde ijən ali rəsmi və ğərolon mərkəzonədə təsir noe heste ki çəy vədə rəsmion diğğət karde və hoşin mande lozime.

Bəyaniyədə bə ım nuktə işorə bıə ki islam dınyo ciddiyə muhimmə məsələ Fələstin məsələ və çəy mığuvimə milləti ğəmqin əkə həğiğətonin ki mısılmonon və dınyo ozod tələbon dıli bə deardə vardəşe.

Rəhbəri aliyə nımoyəndəon məclesi bəyaniyədə bə Yəmən, Bəhreyn, Suriyə və İrağədə ijən məntəğədə Təəkfiri və terroristiyə qrupon vəhşiyə cinoyəton işorə bıə və ğeyd bıə ki jıqo ğeyri insoniyə rəftoron əsliyə amil istikbar və çəy sədrədə Amerkə və siyonizm rejimonin ijən elan be ki: beynəl xalğ oğoə vicdanon və islamiyə dıvləton iyən mısılmonon bəpe həminə cinoyəton vədə əməli və zumandə hərəkəton əncom bıdən.

Ğeyd bıkəmon ki Xubreqan rəhbəri məcleci aliyə nımoyəndəon ımruj İmom Xomeyni(r) pokə hərəmədə de İroni islamiyə inğilabi təsis əkə ujnən əhdışon dəbastə və çəy bəpeştə İroni yolə rəhbəri mılağatışon kardə.