Admiral Səyyari: İroni ərtış harcurnə təhdidi vədə hozzoe

İron İslom Respublika ərtışi həmohənqəkə muavin və ğərorqoh yol, votışe: İron İslom Respublika ərtış hozzoe ki harcurnə təhdidi benəticə bıko.

Bə Tele-Rədio aqentiyəti raporti əsos, Zinə İron İslom Respublika ərtışi həmohənaəkə muavin və ğərorqoh yol, Həbibullah Səyyari de Tehroni rədio votımonədə bəyonış kardə ki İron İslom Respublika ərtış İron İslom Respublika muğəddəsə nizomi navəjə dastəonku qıləynie və votışe: həmmə baxşonədə İroni ərtışi hərbi zu əlovə bey holədəy.

Admiral Səyyari ijən təkidış kardə: İron İslom Respublika hozzoe ki harcurnə təhdidi vədə muğavimət bıko, və harcurnə təhdidi benəticə bıko və icozəş nıdo ki hiç kəs bə İslomi İron təcavuz bıko.

İron İslom Respublika ərtışi həmohənqəkə muavin və ğərorqoh yol həmçınin bə İroni ərtışi məmuriyəton işorəş kardə və votışe: İron İslom Respublika ərtış əlovə bə hərbi baxşədə rol ifo kardey, ğeyri təbii hodisəonədə, ictimai və imdod və koməkon baxşədə həm bə ko kardey məşğule.