İronədə 3-ə Ğədr fəzilətinə şəvi mənəvi mərasimon

De mısılmonon hərorətinə iştiroki İronədə Ğədr 3-ə şəvi mənəviyə mərasimon zinə şəv bərpo be.

İmomət və viloyəti aşığon mubarəkə rujə manqi 23-ə şəvədə ironi mıxtəlif vıronədə bıə məçiton, təkiyəon, Huseyniyəon, ımomzodəon iyən məzhəbiyə vıronədə cəm bin və detosə sıb Kərimə Ğıroni təlavət kardışone, Coşəne kəbir nomo bıə dıvoşon hande və ilahi əzəmətinə nomoni zomzomə kardeşone ta Xıdovənde Xalıği rəhmət iyən məğfirət bəvon ğısmət bıbu.

İroni mısılmonə millət məxsusən Məşhədədə bıə İmon Rıza(ə), Ğomədə bıə Xanım Məsume(s) həmçınin Şirzədə bıə Əhməd İbne Musə Şahe Çırağ(ə) hərəmonədə de Kərimə Ğıroni bə sə noe iyən məxsusə dıvon hane ujnən de Xıdovənde xalıği və Əmirəl-Mumınin(ə) ıştə əhdi tojəşon karde.

Bə rəvayəton əsos mubarək rujə manqi 19, 21 və 23-nə şəvon həmonə Ğədrə şəvonku iborəte ki mısılmonon de şəvədə oğo mande, Ğıroni bə sə noe, dıvo hande, Coşən Kəbir nomo məxsusə dıvo ğiroət karde deştə Pərvərdıqori raz-niyaz və mınocat kardedən.

Ğədrə şəv qıləy şəve ki 1 sori mıddətdə çəy fəzilət bənə 1000 manqədə ibodət karde ğeyd bıə və həmonə şəvədə cəmaəti təğdir və tale mıəyyən bəbe.

De Əhle Beyte İsmət və Təharət(ə) xususi şiəyon 1-ə İmom Həzrəte Əli(ə)-i inoyəti inşaəllah şımə zinə Ğədrə şəvi ibodəton Xıdo dərqahədə ğəbul bıbu iyən de tosə omə sori çokə təğdir bo şımə nıvıştəy bıbu.