Ğalibaf:ımsor Ğudsı beynəlxalğə ruji qıləy təsirbınə hərəkətonku bə nəticə rəsə.

İroni islamiyə şora rəisi votışe:İroni milləti ğəhrəmanə huzur Ğudsı beynəlxalğə ruji aksiyaədə be şək dəvardə soronədə Ğudsı ruji əzəmətin iyən təsir bınə rujonku təşkil be və Ğudsı ozod kardeyu bə mocahedon dıli qam be bois be.

Bə İRNA  xəbon əsosi İroni islamiyə şora məclisi rəis Muhəmməd Bağır Ğalibaf ımruj məclisi ələniyə iclosədə əlovəş karde İroni islamiyə inğilabi təsis əkə mərhum imom Xomeyni tədbir  sionist rejimi zılmon vədə mığaviməti rostə olqo hərəkət  mıbarək rujə manqi oxonə cımə ruji  Ğusdı beynəlxalğə ruji nom noeyu şərifə Ğusdı ozod kardeyu bə mucahedon dıli qam be bois be.

İslamiyə şora məclisi rəisi əlovəş karde İroni millət ımsor  ve xososi iyən tarix bısoxt vəşen və məmləkəti sərosərədə yolə şəhron iyən qədə dionədə  deşmenə sionist rejimi peştışon lorzıni.