Imruj:Fars dıyo milliyə ruje.

Imruj 1 şanbə 2023 minnə sori Apreli 30 minnə ruj, Hicri şəmsi 1402 minnə sori İroni cənubiyə ovonku istimarqərə Portığalion beğande sorəqardış və Fars dıyo milliyə ruje.

Imruj İronıjon milliyə ğeyrəti ruje ki həmmişə ım ov və xokiku mudafiyə kardeyu hozzı hestin və bə heç qılə əcnəbi icazə nibədon ki bə ım məntəğə təcavuz bıkən.Fars dıyo ya Pars dıyo qıləy ove ki Ommanı dıyo dəvomədə İron və Ərəbıstonı şebhe cəzirə(bə adə mandə məntəğə) miyonədə ğərorış qətə.

Im dıyo nom mıxtəlif zıvononədə Fars dıyo ya Pars dıyo bə.

Dəvardə soronədə veyə fəaliyəton bən ta Fars dıyo nomi əvəz bıkən və ım qıləy şərayetədə ki tarixiyə sənədon nışon dodən ki ım məntəğə ğədimə zəmanonku Fars dıyo bə və ojnən çəy nom jıqo bəmande.

Fars dıyo 4 qılə məşhorə dıyoon qıləy baxşe ki bə ğədimiyə Yonanıstanion bovə əsosi həmə qılə qıləy yolə okyaniku ki dınyo həmmə ovon yoliyəti miğdarədəy sərçəşməş qətə və dınyo mıxtəlif məntəğonədə həmmə odəmon ım yolə ovi Pars nomo zındən.

Im dıyo dınyo nati ovıştıneyu həmməysə yolə ro nomo de İroni mədəniyət co nıbə əlağəş heste və mincumlə nomonku bə hisob omedə ki dəvardə rujonku desbə ısət sənədon,nıvıştəyon və duyəro və nezə toyfan və milləton sənədonədə oko doə bə.

Farsi Korfez İroni cənub və cənub ğərbədə və İroni Xuzıston, Boşehr və Hormozqan ostani i baxaşi hamsuyətiədə ğərorış qətə və de İ Bıə Ərəb Əmirəti, Bəhreyn, İrağ, Səudi Ərəbiston, Oman, Ğətər və Koveyt kişvəron mıştərəmə marzi soybe.