Har ruj, İroni nat 3 milyon bareliku vey istehsol bəbe

İroni nati vəzir votışe: dəvardə 20 manqi mıddətədə, kişvəri nati istehsol bə 3 milyon bareliku vey iyən xamə qazi istehsol bə 1 milyard kobmetriku vey rəsə.

Bə İrna raporti əsos, İroni nati kimyə sənaye beynəlxalğə 14 minnə iclosədə İroni nati vəzir, Cəvad Oci əlovəş kardə: İroni nat və qazi istehsoli ısətnə zərfiyət de ehtiyoton miğdor həmohənq ni.

Oci ijən İroni nati kimiyə baxşi əktivə kəson vey muhimmə niqəronətion, stabilə xorəki təmin kardey zınəş və əlovəş kardə: ımruj İronədə 70 qılə nati kimiyə bina əktive və ım sənayeədə, 80 milyardiku vey investisiya əncom bıə.

İroni nati vəzir ijən təsdiğış kardə: de ım vucud ki 33 tiriliyon kobmetriku vey qazi ehtiyaton və 154 milyard barel nat istehsol bəbe əmmo ım sənayeədə kifoyət suəti investisiya əncom nibəbe.

İslomi inğilobi səbarzəti zəmoniku tosə ısət, İroni milləti deşmonon de zalımonə sanksiyaon əncom doey, pidəşon be bə kişvəri iğtisod zərbə varid bıkon və həmmə sənaye təhrimışon kardə, bə çəy xoto, təchizaton və əbzaron soxtey, İroni nati sənaye niqəronətionku be və ım sənaye İroni İslomi İnğilobi 44 sori omriku bəpeşt, nat, qaz və nati kimiyə sənaye ehtiyociə əbzaron soxtey baxşədə bə 85 faiz ıştəni təmin kardey miğdor rəsə.

Nat, qaz və nati kimiyə sənaye ehtiyociə əbzaron soxtey baxşədə bə 85 faiz ıştəni təmin kardey miğdor rəsey bois bıə ki m məhsulon ixracatədə İron İslom Respublika bə çəşəçi prosses bırəsi.