İroni nat istehsol har rujnə bə 2 milyono 650 həzo barel rəsə

Enerji beynəlxalğə təşkilot, Milodi 2023 minnə sori Martə manqədə, Opeki nati har rujnə istehsoli 140 həzo kam beyku xəbəş do və elanış kardə: ım manqədə İroni nat istehsol be ım ki dəvardə manqi muğaisədə əvəz bıbu 2 milyono 650 həzo barel səthədə baği mandə.

Bə Təsnim aqentiyəti raporti əsos, enerji beynəlxalğə təşkilot qlobal nati vıjoriku ıştə har manqi vey tojə raportədə, ımsori Milodi 3 minnə manqədə, nati ixracəkə kişvəron həmmə nati istehsoli miğdor, har ruj 29 milyono 90 həzo barel elanış kardə.

Milodi 2023 minnə sori Martə manqədə dəvardə manqi muğaisədə Opeki 13 qılə uzvi nati istehsoli cəm, har ruj 140 həzo barel kam bıə.

Bə həminə raporti əsos, Opeki 8 qılə uzv bıə kişvəron əcumlə İron, Martə manqədə dəvardə manqi muğaisədə çəvon nati istehsoli mığdor əvəz nıbıə.

4 qılə kişvər həm de istehsoli kam bey dim bə dim bıən və fəğət Venezuela kişvər be ki dəvardə manqi muğaisədə çəy istehsol vey bıə.

Imsori Martə manqədə İroni xamə nati istehsol har ruj 2 milyono 650 həzo barel elan bıə.