Laricani votışe: məntəğədə həmmə bevəcə siyasəton əsliyə hədəf mığovimət cəhbə məğlub kardeye.

İroni islamiyə şura məclesi sədr votışe: məntəğədə həmmə bevəcə planon mığovimət iyən mığoviməti peştədə mandə kişvəron məğlub kardeye ta məntəğədə bo siyonist rejimi sultə tələbə siyasətonro zəminə huzzu bıbu.

Ba İrib raporti əsos İroni islamiyə şura məclesi sədr Əli Laricani Rusiyə səfərədə bıə siyonist rejimi tojə sıxənon barədə votışe: tojədən siyonist rejimi sərkərdə de Vladimir Putin mılağat karde cərəyonədə jəqo tarixədə hadisəon təhrifış kardə ki nışo dodə əv ne tarix və ne Tovrat mığəddəsə kitobiku məlomatış heste ki əlbətə, qıləy naşi, cahil və nodonə siyonistiku jıqo duəvujətion intizor heste.

İroni islamiyə məclesi sədr votışe: Netanyaho vey sərih və ruşin elanış kardə ki çı Suriyə bohrani ijən canqi peştədə siyonist rejim mıdoxiləş heste ijən de yolə şəxəti Suriyədə sulhi bərpo kardero şərtonış təyin kardə ki nışo doydə Suriyədə canqi əsliyə hədəf bə mığovimət cəhbə zidd canq kardeye.

Ğeyd bıkəmon ki siyonist rejimi i minə vəzir tojədən bə Rusiyə səfər karde cərəyonədə iyən Putini tono vey cəhdış kardə ki İron və mığoviməti barədə çı Rusiyə rəsmion vindemoni əvəz bıkə ki muvəffəğ ne bıə.