İroni cəmiyət, 85 milyon nəfəriku dəvardə

İroni statestikaon mərkəzi cəmiyət, ko ğıvvə iyən ailəon iğtisodi təşkiloti yol votışe: İroni cəmiyət, 85 milyon nəfəriku dəvardəşe ki ım kişvəri cəmiyəti əktiv bey nışonəy.

Bə İran Peres aqentiyəti raporti əsos, İroni statestikaon mərkəzi cəmiyət, ko ğıvvə iyən ailəon iğtisodi təşkiloti yol, Əli Əkbər Məhzon təsdiğış kardə: təğribən İroni cəmiyətiku 24 faiz, hırdənon və nocıvononi şomil bəbe ki çəvon sın 15 sori jiədə bıə sınne. İroni cəmiyətiku 25 faiz, cıvononku şomil bıdə ki çəvon sın 15 tosə 29 sor bəbe və 44 faiz miyonə sınnin və İroni cəmiyətiku baği mandə kəson, çəvon sın, 65 sorku vey bəbe ki ım nışo dodə ki İroni cəmiyətiku veyə şəxson miyonə sınni şomlil bəbe.

Məhzon ijən əlovəş kardə: holi hozırədə, İronədə bə jimoni umo bey sın, 74 sore və bə handey iyən nıvıştey zu bey məzənnə həm bə 87.6 faiz rəsə ki ım investisiya bə cəmiyəti keyfiyətin hevujəti komək kardedə.