Tehroni nati 27 minnə beynəlxalğə nımoyişqo ıştə koş bino kardə

Nat, qaz və nati kimiyaviyə beynəlxalğə 27 minnə nımoyeşqo de nati vəzir və İron İslom Respublika prezidenti iminnə muavini iştirok ıştə koş bino kardə.

Bə Mehr aqentiyəti raporti əsos, nat, qaz və nati kimiyaviyə beynəlxalğə 27 minnə nımoyeşqoədə, 1500 qılə daxıli şirkət iştirokışone ki ım məsələ daxıli istehsoləkəyon zumandətiku nışonəy.

200 qılə xarıci şirkət həm 13 qılə kişvəriku əcumlə Rusiyə, Çin, Belarus, Almaniya, Otriş, İtaliya, Fransə, İspaniya, Hınd, İmarat, Oman və Tırkiyə ım nımoyeşqoədə iştirokışone.

İroni nat, qaz və nati kimiyaviyə beynəlxalğə nımoyeşqo bənə İroni ticori və sənaye vey yolə hodisəy ki har sor nat, qaz və nati kimiyaviyə baxşədə daxıli və xarıci zumandə şirkəton iştirok bərpo bəbe.

Nat, qaz və nati kimiyaviyə beynəlxalğə 27 minnə nımoyeşqo qıləy erjinə fırsəte ki nat, qaz və nati kimiyaviyə sənayeədə əktivə şirkəton ıştə məhsulon və muvəffəğiyəton mıtəxəssison və vindemon kardə kəson vədə nışo bıdən.