Pekin beynəlxalğə təhğiğon və Əllamə universition miyono muğavilə imzo bey

Bə təlim və təhğiğ mıştərəkə həmkoətion inkişofi xoto, Pekin beynəlxalğə mıtoliəon və Əllamə universition muğavilə imzo kardışone.

Bə təlim və təhğiği mıştərəkə həmkoətion inkişofi xoto, Pekin beynəlxalğə mıtoliəon universiti yol və çəy bə ico bıə heyət de Əllamə Təbatəbai universiti yol, Əbdullah Moetəmedi vindemon və votımonış kardə.

Bə İrna raporti əsos, Əllamə Təbatəbai universiti yoli heyət və Pekin beynəlxalğə mıtoliəon universiti Çini heyəti vindemonədə elmi və təhğiği muxtəlifə mevzuon barədə 2 tərəf sıhbətışon kardə.

Im iclosi əvvələdə, Moetəmedi Əllamə Təbatəbai və çəy zərfiyəton zıney kardey bəpeşt təkidış kardə: de diğğət bə 2 qılə kişvəri dustanə rabitəon mınosibə səth, zəruri heste ki universiti rabitəon baxşədə həmkoətion hevuj bıbu.

Əllamə Təbatəbai universiti yol ijən 2 qılə universition miyono elmi votımononro bə mınosibə baxşon icod bey təkid və əlovəş kardə: ım votımonon, mıştərik və erjinə təhğiği fəaliyəton zəminə icod kardedə.

Im sıhbəton dəvomədə, Pekini beynəlxalğə mıtoliəon universiti şura yol, Çanq yo həm votışe: xarıci zıvonon, turizm, iğtisod, ticorət, məlumat rosniye və ticori təlimon baxşədə, Pekin beynəlxalğə mıtoliəon universiti, Çini məşhurə universitionku qıləyni bə hisob omeydə. Im universitiədə 29 qılə zıvon təlim doə bəbe və de diğğət bə farsi zıvoni təlimi əhəmiyyət, farsi və Çini zıvoni təlim baxşədə, universiti tələbəon və ustad mıbodilə kardey zərrurie.