Rəyisi: İron və Omani rabitəon bə inkişof rəsə

İron İslom Respublika przident, İron və Opmani ali şəxson heyəton mıştərəkə iclosədə təkidış kardə: İron və Omani rabitəon ticori mərhələku bə investisiya inkişof peydoş kardə.

Bə İron Omani sultan Heysəm İbne Tareği rəsmiyə səfə cərəyonədə, 2 qılə kişvəri rəsmi şəxson enerji sahədə həmkoətion, ozodə məntəğəonədə həmkoətion, investisiya və iğtisodi həmkoətion baxşonədə 4 qılə sənəd imzoşon kardə.

Bə İrna raporti əsos, ım iclosədə İron İslom respublika prezident Seyd İbreym rəyisi bəyonış kardə: İron və Omani rabitəon ticori mərhələku bə investisiya inkişof peydoş kardə. əv ijən votışe: 2 qılə kişvəri yolon mnəntəğə inteqrasiya zumand kardey metod və mıştərəkə vindemonon, zərfiyəton və mıtəğabilə zəminəon kənoədə, karde bəzne məntəğə və 2tərəf baxşonədə 2 qılə kişvəri rabitəon əlovə ko.

Sənaye, ticorət, rabitəon, əmniyyəti və mudafiə koon, reyls xətton, tranzit və dıyo nəğliyot, moli və puli və enerji mıbudiləon həmkoəti hevujətiro, əcumlə mınosibə baxşon elanış kardə və investisiya əlovə kardey zəminəonədə bə İron və Omani rəsmi şəxson muzakirəon işorəş kardə.

Rəyisi həmçınin Yəmən və Fələstini kişvəron mevzuonədə bə 2 qılə kişvəri nəzəon işorəş kardə və Omani roliku xususi sultan Heysəm İbne Tareğiku ğədrdonətiş kardə ki Yəmən və Fələstini milləti həxon qəteyro cəhd kardedə.