De İmom Xomeyni(r)-i fikon, muğaviməti mehvəri zumandətion əlovə bıə

Kali Yəməni cıvonon, İmom Xomeyni(r)-i fikon muğaviməti mehvəri zumandəti boisəkə zınəşone.

Bə İmom Xomeyni(r)-i rehləti sorəqardışi mınosibəti xoto, Fatimə Əlmədani qıləy Yəmənıjə cıvonə jen, Sənaədə de İran Peresi votımonədə votışe: İmom Xomeyni(r)-i vey muhimmə fikonku qıləyni Xıdo royədə de zılm və cihodi mubarizə bardey be.

Im Yəmənıjə cıvonə jen ijən bəyonış karde: Yəmən və Livanədə muğaviməti hərəkəton rəhbəron İmom Xomeyni(r)-i fikonku təsir qətəşone, əv ijən təsdiğış kardə: İmom Xomeyni(r)-i fikonde deşmonon xusui Amerkə və israili mubarizə bardeyədə muöaviməti mehvəri himoyəkə be.

Bətol Əlmənsor, Yəmənıjə co qılə cıvonə jen həm de İran Peres jurnalisti votımonədə Asiya Ğərb məntəğə kişvəronədə İmom Xomeyni(r)-i fikon təsir noey barədə təsdiğış kardə: ehanə inğilob və İmom Xomeyni(r)-i fikon nıbe, Yəmənədə muğavimət və inğilob icod niəbi.

Bətol Əlmənsor ijən əlovəş kardə: İmom Xomeyni(r)-i fikon realist və Ğıron və Əhle Beyt(ə)-i qətə be və bə həminə əsos, İmom Xomeyni(r) dınyo inğilobon rəhbəron iminnə xətədə ğəror qətəşe.