İroni Mehran marziku 105 həzo ton kaştemoni məhsulon bə İrağ ixrac bıə

İroni İlam ostani qomroki mudir, Mehran marziku bə İraği kişvər, 105 həzo ton kaştemoni məhsulon ixracatiku xəbəş do.

Bə İrna raporti əsos, İroni İlam ostani qomroki yol Ruhollah Ğolami votışe: Milodi 2023 minnə sori Martə manqi 21 tosə Mayə manqi 21 minnə ruj, Mehran beynəlxalğə marzi royku 105 həzo ton muxtəlifə kaştemoni məhsulon bə 32 milyon dollar erj, bə İrağ ixrac bıə.

Ğolami ijən əlovəş kardə: bo 3minnə kərə İlam ostani qomrok, de İraği 12 qılə mıştərəkə marzi miyonədə, iminnə rotbədə ğəror qətəşe.