Tehroni cımə nımoji xətib: muğavimət iyən təğva 2 qılə deşmoni məğlubəkə amilonin

Tehroni cımə nıjoni xətib votışe: həmonə amil ki deşmonon moğabilədəy muğavimət və həxi sıxənon vədə istadeqi və co qılə amil, təğva pərhizqorətie.

Bə İran Peres aqentiyəti raporti əsos, zinə cımə nınoji xutbəonədə, Tehroni cımə nımoji xətib, Ayətullah Seyd Əhməd Xatəmi, muğavimət və təğva 2 qılə deşmoni məğlobəkə amil zınəşe və votışe: inğilobiku 44 sor dəvardəşe və çəmə ım 44 sorə muvəffəğiyəton sır, 8 sor muğavimət be ki deşmənon ıştə təslim bıə dasti barz kardə.

Ayətullah Xatəmi ijən İron İslom Respublika diplomatiya hərəkəti barədə, bə İslomi İnğilobi yolə Rəhbəri sıxənon işorə və təsdiğış kardə: dəvardə manqonədə diplomatiya hərəkəton vindey bəbe ki bə tərifi loyiğe.

Tehroni cımə nımoji xətib həmçınin de İron İslom Respublika yolə təsisəkə rehləti sorəqardışi təsliyət votey əlovəş kardə: İmom Xomeyni(r)-i ərməğon və çəy umri nəticə, İslomi nizome. İmom Xomeyni(r) bə millət etığadış be və ım millət be ki fəsodə milləti əvəz, İslomi hukuməti vıjniyəşone və bə ko vardışone.

Ayətullah Xatəmi ijən əlovəş kardə: İslomi İnğilobi Yolə Rəhbər, Həzrəte Ayətullah Xamenei həm İmom Xomeyni(r)-i roy dəvomədə deştə həkimanə tədbiron vositə, deşmonon həmmə xəbisə planon benəticəş kardə.

Tehroni cımə nımoji xətib ijən bə Xordadə manqi 15 minnə ruj işorəş kardə və votışe: viloyətiku mudafiə kardeyədə, ım yolə ğiyom icod bıə və çəmə nizom və inğilob bə viloyətiku himoyə kardey ğarzıxoe.