Qeneral Səlomi: deşmon, İroni vədə bezu bıə
İslomi İnğilobi Sepah təşkiloti həmmə ğıvvon komandir votışe: bə milləti tov vardey iyən İlohi səbarzəti xoto, İroni millət, iğtisodi sanksiya və deşmonon xəbisə planon be nəticə kardışone.
Bə Tele-Rədio aqentiyəti raporti əsos, pencşəmbə rujədə, İroni şimol şərğ Xorasan Rəzəvi, Səbzəvari 2 həzo şəhidi yolqətey milli iclosədə, İslomi İnğilobi Sepah təşkiloti həmmə ğıvvon komandir, Qeneal Huseyn Səlomi de bə İroni milləti əzəmət və muğaviməti işorə kardey bəpeşt votışe: de ım vucud ki deşmoni məğlubiyəton dəvomış heste, əmmo həni bəştə xəbisə planon dəvom dodə, ıştəni qol jeydə və bə ıştə noməlumə vəoməy umidış heste, əmmo bəpe bızno ki İroni millət ruşin iyən oğoe və zıneydə ki çoknə şəxsiyət, izzət, istiğlol, ozodi və islomiku mudafiə bıko.
Qeneral Səlomi ijən votışe: İron İslom Respublika qıləy iğtisodi, mədəni, siyosi və pesixi qlobal hucuməkə dılədə ğəror qətəşe və m istikbori dınyo plane ta İroni millət təslim ko.
İslomi İnğilobi Sepah təşkiloti həmmə ğıvvon komandir ijən əlovəş kardə: dəvardə manqonədə, işğoli sərzəminonədə, çand həzo nəfərə aksiya və əmniyyəti təmin kardeyədə sioniston bezuəti və həmçınin kali ğərbi kişvəron problemon oşko bıə əmmo çəy mığobilədə dınyoədə İron İslom Respublika boydəğ vey barz bıə.
