Xuzıstoniku bə İraği kişvər, 127 milyon dollariku vey əmtəə ixrac bıə

İroni Cənub Ğərbi Xuzıstoni qomrokon nəzorətəkə xəbəş do: Şəmsi 1402 minnə sorədə və ımsori 2 manqi əvvələdə, bə İraği ğeyri nat əmtəəon 127 milyono 779 həzo dollariku vey ixrac bıə.

Bə Tele Rədio aqentiyəti raporti əsos,  İroni Cənub Ğərbi Xuzıstoni qomrokon nəzorətəkə Behroz Ğərebeyqi bə İraği ğeyri nat əmtəə ixracati barədə votışe: ımsori 2 manqi əvvələdə, 905 həzo toniku vey ğeyri nat əmtəə Xuzıstoni qomrokonku bə İrağ ixrac bıə.

Ğərebeyqi ijən əlovəş kardə: həminə zəmonədə bə İrağ, Xuzıstoni qomrokonku əncom bıə ixracati erj 127 milyono 779 həzo dollar be.

İroni Cənub Ğərbi Xuzıstoni qomrokon nəzorətəkə ijən votışe: bina soxte ləvozimon, xorək maddon, prosniyə bıə moyon, şıtə məhsulon, kə ləvozimon və ... əcumlə bə İraği ixrac bıə vey muhimmə maddonku be.

Ğərebeyqi ijən votışe: bə İraği kişvər Xuzıstoniku əmtəə ixracati veyə miğdor, Şələmçə və Çəzabə qomroki baxşonku əncom bıə.