İroni atomi sənaye koəvonon de Ali Rəhbəri bıə vindemon.

İroni Atom Enerji Təşkiloti yol Məhəmməd İslami atomi sənaye koəvonon de İslomi İnğılobi Ali Məğaminə Rəhbəri bıə vindemon və atom texnologiyə sahədə nezə rujonədə İmom Xomeyni(r.a) Huseyniyyədə oxonə noiliyyəton nımoyişqo icod kardeyış elon karde.

Bə İRNA məlumati əsos;Məhəmməd İslami votəşe: “Xoşbəxtonə, oxonə da soronədə de Ali Rəhbəri nığılə təfəkkuri və de nuyə atomi texnologiyon əloğədor bıə dəstəki,əmə bə qıləy surətinə hərəkəti və mıxtəlifə mevzuon bənav şeyədə ziyod bıə surəti şoyd bimon.

Əv atomi sənaye koəvonon de İslomi İnğılobi Ali Məğaminə Rəhbəri bıə vindemoni barədə ğeydış kardə:İroni Atom Enerji Təşkiloti koəvonon de hikmətin və mudrikə rəhbəri ım vindemon,çəy ro oj kardə rahnumaonku bəhrə bardey məğsədış heste.

Bə İslomi İnğılobi hədəfon rəseyro çı təşkiloti 20 sornə əhotəninə strateji sənədi omə rujonədə əncom doey bəbe.oxoyədə İroni Atom Enerji Təşkiloti rəhbər ım sənayeni koəvonon de İslomi İnğılobi Ali Məğaminə Rəhbəri bıə vindemoni eyni vaxtədə atom sənaye noiliyyəton nımoyişqo bərpo kardey işorə kardə holədə voteşe İmom Xomeyni(r.a) Huseyniyyədə atomi sahə oxonə texnoloji noiliyyəton nımoyiçşqo bərpo bəbe və de Yolə Rəhbəri iştiroki həmməysə oxonə sənaye noiliyyəton təğdım kardey bəbe.