Əmirəbdullahiyan: həmkoətion inkişofiro, İron İslom Respublikə mıxtəlif multilateralizmi istifodə bəkarde

İroni xarici koon vəziri votəşe: İron İslom Respublikə mıxtəlif multilateralizmi çərçivəku,min cumlə BRİCS qrupu və Şanxay Həmkoəti Təşkiloti uzvəti royku,həmkoəti inkişof kardey imkonatonku foydə bəbarde.

Bə IRNA məlumoti əsos,İroni xarici koon vəzir Huseyn Əmirəbdullahiyan bənə İroni təcrid kardey bıə qlobal siyosəti bə iflosi dıço bıey elon kardeşe və voteşe: İron bə unilateralizmi ğəti şikilədə ələyh beşedə və eyni zəmonədə multilateralizmi çərçivədə mevcud bıə imkononku maksimum istifodə kardedə.

Əmir Əbdullahiyani əlovəş kardə: İron şimoli bə cənub və şərği bə ğərbi dəçoknə əsosə tranzit roonku qıləyniyədə ğərolış qətə,eyni zəmonədə qırd məziyyət və imkonatonku foydə bardedə və digər tərəfon həm ın dı tərəfinə əloğəonku foydə bardedən.

 İroni xarici koon vəzir çı İroni 13-ə hukuməti bə əməl omə rujiku regional, ixtisodi, siyosi və əmniyyət ittifoğon və çəvon imkonatonku foydə bardeyış elon kardə və votəşe: dəvardə sori Rusiyə, Çin, Braziliyə, Hindiston və Cənubi Afrika ki,çı BRİKS-i əsosə uzvin,əvon çı İroni bə BRICS-I nuyə uzvon əyo uzvəti ayid iminə təklifışon ğəbul kardə.

 İroni diplomatik sistemi rəhbəri bə AİŞ-ın hegemonəti rədd kardə nuyə dınyo nizomi icod kardey təkid kardə və votəşe: Həyğət ıme ki, nuyə dınyo nizom  I qutbinə sistemiku və unilateralizmiku bə diyəro mandeyı ıştədə ehtivo kardedə və çı dınyo əsosə aktyoron hali-hozzıədə ıştə dığğəti bə ın məsələ səmt doəşone.multilateralizm və çandəğutbəti.