Di təsərrufoti zəminon intellektual monitorinqədə Xəyyam peyki zərfiyyətiku istifodə kardey

Kişfəri Zəmini Məsələon Təşkiloti rəhbəri elonış kardə: “Xəyyam” peyki zərfiyyətiku bə zəmini şebə pencərə anqıli bədiqə Di təsərrufoti zəminon bə intellektual monitorinqi daxil kardey bıə.

Xəyyami peyk de di təsərrufot, təbiyi sərvəton, ətrof muhiti sahəonədə vığandə məlumot və şikilon cəm kardey məğsədi 2022-ə sori avqusti 9-də 600 kq vəznədə, de Soyuz peyk şıkırnə kəşti bə ico bə 500 km orbiti vodoey bıə.

Bə İroni Kosmik Təşkiloti doə bəyonati əsos, 5 sore aqrar sənaye sahədə, təbiyi sərvəton, ətrof muhit, ovi mənbəon, və fevğəladə holon idorə kardey və mıdofiyə ğıvvonro istifodə beydə.

Oxonə çıl sori dırozi İron bə kosmik texnologiyə noyil bıey sahədə dəvomin və müutərəğğiyə qəmonış peqətə.deşmınon de İroni kosmik sənayedə bə ico,de har cur sanksiyəon ixtisodi və elmi tərəğğin vəy qətey səy həm bıkon,lakin bə qırd ım  məhdudiyyəton və təzyiğon rəğmən,İron İslom Respublikə kosmos və de kosmosi əloğədor bə har cur texnologiyəon noyil bıən ki,bəpe ımi çı İslomi İroni dıjdə noiliyyət hisab kardey bıbu.

Kişfəri Zəmini Məsələon Təşkiloti rəhbər Rıza Əflatuni votəşe: “Xəyyam” peyki zərfiyyətiku bo  Di təsərrufotı zəminon intellektual monitorinqiro istifodə beydə və informasiyə texnologiyəon təşkilot bo təğdim bıə koon nəticəon elon kardero hozzı beydə.