Bo İroni ozodə zonəonədə 20 milyard avro sərmoyə noey cəzb kardey bəbe.

İroni Ozodə Zonəon Ali Şurə sərkatibəti muavini bə ın əraziyon 20 milyard avro investisiya cəlb kardey planış bəyon kardə.

İroni cənubəda Kiş və Ğeşm ləpəkon, Sistan və Bəlucistan əyolətədə Çabahar, Şərği Azərbaycan viloyətədə Aras, Qiloni viloyətədə Ənzəli, Kırdıston viloyətədə Banə və Mərivan, Xuzistan viloyətədə Ərvənd, Ğərbi Azərbaycan viloyətədə Maku və Kermon viloyətədə Qəsrşirine ki,ımon çı kişfəri ozodə ixtisodi zonəon hisob beydən.

İroni Ozodə Zonəon Ali Şurə sərkatibəti muavin Məsud Huseynpur çı İroni ozod və xısusi ixtisodi zonəonədə bo investoron maksimum iştirokiro imkonon və de xısusi şərton təmin kardey planonış bəyon karde.

Bə Tele-Rədiyo xəbə agentəti məlumoti əsos,Huseynpuri əlovəş kardə: tosə ımsornə sori oxo (1402) bo ozodə zonəonədə təxminən 20 milyard avro investisiyəro mınosibə muhit icod bəbe İroni Ozodə Zonəon Ali Şurə sərkatibəti muavin votəşe: əmə bumiyə investoron həm ğəbul bəkardemon,əmmo səy bəkardmon ki, bumi investoron kənoyədə xarici investoron həm cəlbkəmon.

Huseynpuri votəşe: dı və ya ziyodə məmləkəton miyono jıqo bəpe əloğəon oney bıb ki,nəticədə bəromə bə dast boy və pul iyən valyuta daxil bıbu və çım əloğəon zəminə ozodə zonəonədə mevcude.