İron və Venesuela miyono 19 qılə həmkoəti sənəd imzo bıə

İron və Venesuela ali rəsmi şəxson, 2 qılə kişvəri prezdenton nəzədə, 19 qılə həmkoəti sənəd imzo kardışone.

Kəşfiyot texnoloqiya və rabitəon, enerji, bimə, dıyo nəğliyot, ali təlim, kaştımon, dave iyən səhiyyə, mədəni mıbudiləon və həmçınin məədəni həmkoətion inkişof əcumlə baxşonin ki Venezuela və İroni xarıci koon, nat, silohinə ğıvvon mudafiə və himoyə, səhiyyə və damon iyən mədəni vəziron miyono həmkoətion və sazışon bə imzo rəsə.

İron İslom Respublika prezdent, Seyd İbreym Rəyisi ki bə Nikolas Madoro rəsmiyə dəvəti əsos bə Venezuela səfərış kardə be, zinə zuhr bə Karakas beynəlxalğə airport varid bıə və Venesuela xarıci vəzir bə İroni prezidenti xoşome votışe.

Rəyisi bə Venezuela ıştə rəsmiyə səfə iminnə bərnomədə, Karakas şəhrədə Simon Bolivar ğəbi sə iştirokış kardə və bə Venesuela yolə rəsmi şəxs və Latin Amerkə ozodəbaxşə inğilobon rəhbəri məğom vıl noşe və bəy ehtıromış kardə.

İron İslom Respublika prezdent ijən Simon Bolivari xotirə kitobi imzoş kardə.

Deşəmbə rujədə İron İslom Respublika prezdent, Seyd İbreym rəyiside dust və həmcəhətə kişvəron rabitəon səthi inkişof doey xoto, deştə ali rotbə bə Venesuela paytəxt, Karakas varid bıə.