İroni cənub şərğədə terroristiyə qrupi məhv kardey

İslomi İnğilobi Sepah Təşkiloti zəmini ğərorqoh, kişvəri cənub şərğədə qıləy terroristiyə qrupi təğib kardey və zıneyku xəbəş do.

Bə İrna raporti əsos, çoşəmbə rujədə Sepah zəmini ğıvvə Ğuds ğərorqoh umumiyə rabitəon qıləy bəyoniyədə elanış kardə: de İroni əmniyyəti ğıvvon həmkoəti və Sepah zəmini Ğuds ğərorqoh kəşfiyot və əmniyyəti vahidon cəhdon, Sistan və Bəluçıston cənubədə, qıləy terroristiyə silohinə qrup zıney və qıləy plan kəşə hərəkəton ğolibədə məhv bıə.

Im bəyoniyədə omə ki ım əməliyotədə 2 nəfər terroriston bə həlokət rəsən və 1 nəfər həm dastqir bıən həmçınin veyə siloh və tepemoni maddon həm peydo bıə.

Çoşəmbə sıb həm İslomi İnğilobi Sepah zəmini ğıvvə Həmzə Seyyeduşşohəda(ə)-i ğərorqoh həm xəbəş do ki İroni ğərbədə Kosalan bandiyə məntəğəonədə anti inğilobi qədə qrupon vabəstə bıə terroristiyə amilon məhv bıən.