Əmir Abdullahiyan:İron İslom Respublikə xarici siyosətədə çı Pokistani mevğey xısusiye

İroni xarici koon vəziri Huseyn Əmirabdullahiyan Pokistanış çı Tehroni hamsuyəti siyosəti muhimə həlğəonku qıləyni hisob kardə holədə voteşe:İron İslom Respublikə xarici siyosətədə çı Pokistani mevğey xısusiye.

Bə İRNA məlumoti əsos,Huseyn Əmirabdullahiyan şanbə ruji şəvi vaxti de Pokiston İslom Respublikə xarici koon vəziri muavin Əsəd Məcid Xan vindemonədə Pokistoni bə İron İslom Respublikə xarici siyosətədə xısusi mevğey və bə dı tərəfinə beynəlxalğə həmkoəti mınosibəton ısətnə səviyyə işorəş kardə və əlovəş karde:İron İslom Respublikə de Pokistani rabitəonədə hiç qıləy məhdudiyyət ni,Əv,bə İroni de Pokistani əloğəon tarixi və mınosibətonədə bə umumi cəhəton işorə kardə holədə,mınosibəton ısətnə səviyyəş çok və inkişofəkəş hisob karde və dıqlə məmləkəti əloğəonədə mevcud imkononku tam istifodə kardeyış tələb karde.

Bın vindemonədə Pokiston İslom Respublikə xarici koon vəziri rəsmi muavin həm siyosi məşvərət diyaloqi 12-ə raundu zamonədə bə mızokiron dayir hisobatış təqdım kardə və çın votemonon çı dıqlə kişfəri miyono əloğəon inkişofıro stratejiş hisob kardə və de İron İslom Respublikə rabitəon inkişof kardeyış vocib zıne.Bın vindemonədə Əsəd Məcid Xan Pokistanın xarici koon vəziri Bilal Bhutto çı Əmir Abdullahiyanı bə Pokistoni səfər kardey dəvətış həm təğdımış karde.