Tehronədə bıə Elekamp nomo beynəlxalğə nımoyişqo oj bıey
4 soriku bəpeşt, Elektronik ticori və kamputer 26minnə nımoyeşqoh oj bıə.
Bə İrna raporti əsos, zinə sıb, və Tehroni beynəlxalğə nımoyeşqohon daimə vırədə, Elektronik ticori və kamputer (Elekamp) 26minnə nımoyeşqoh de İron İslom Respublika prezdenti bə elmi əsos bıə iğtisod, texnoloqiya və elmi muavin, Ruhollah Dehğani Firozabadi, İroni rabitəon vəzir, İsa Zarepur, virtual şəbəkəon milli mərkəzi yol, Seyd Muhəmməd Əmin Ağamiri, İslomi İnğilobi parlamenti dicitali iğtisodi kumitə yol Muctəba Təvanqər və İroni ozavziyə fondi yol Muhəmməd Sadığ Xəyatiyan iştiroki oj bıə.
Im 3 rujə nımoyeşqoh, İroni rabitəon və kəşfiyot texnoloqiya vey yolə hodisəonku heste ki de 500 qılə xarıci və daxıli şirkəton iştiroki bərpo bıdə və ım şirkətonku təğribən 150 qıləku vey startup iyən bə elmi əsos bıə şirkətonku hestin.
Im nımoyeşqoh de " dicitali iğtisodiro, vey çokə vəoməy" şuari bərpo bıə və daxıli şirkəton kənoədə, 50 qılə xarıci şirkət əcumlə Uzbəkiston, Fransə, Bosniya, Suriyə, Çin, Rusiyə, Tırkiyə, Erməniston və İraği kişvəron həm iştirokışon heste.
