İslomi İnğilobi Yolə Rəhbəri nəzəku 5 qılə məhkəmə ğıvvə vey muhimmə məsuliyət

İslomi İnğilobi Yolə Rəhbər məhkəmə rəsmi şəxson vindemonədə, məhkəmə təşkiloti təhəvulinə sənədi komil surət icro kardey, ım məhkəmə daxıl iyən xarıcədə de Fəsod mobarizə bardey, həmmə şəxson həxon bəji kardey, ğanuniyə ozodətion təmin kardey və qınoh əncom doey vəy qətey məhkəmə ğıvvə vey muhimmə məsuliyətonku zınəşe.

Bə Tele-Rədio aqentiyəti raporti əsos ki Rəhbəri Yolə məğomi təşkiloti məlumat rosniyə mərkəziku nəğlış kardə, zinə sıb Həzrəte Ayətullah Xamenei məhkəmə ğıvvə yol, rəsmi şəxson iyən kali ım ğıvvə koəkəyon vindemonədə də bə ım ğıvvə mislış nıbıə əhəmiyyəti təkid kardey, məhkəmə təşkiloti təhəvulinə sənədi komil surət icro kardey, ım məhkəmə daxıl iyən xarıcədə de Fəsod mobarizə bardey, həmmə şəxson həxon bəji kardey, ğanuniyə ozodətion təmin kardey və qınoh əncom doey vəy qətey məhkəmə ğıvvə vey muhimmə məsuliyətonku zınəşe və əlovəş kardə: həmmə təşkiloton fəaliyəti barədə məhkəmə vey muhimmə əsos, oxonə nəticə heste ki bə milləti dast rəsedə.

Im vindemonədə ki Hicri Şəmsi 1360 minnə sori tirə manqi 7 minnə hodisə və de mənofiğon bomba noey vositə, Ayətullah Beheşti və İmom Xomeyni(r)-i 72 nəfər əshabon şəhodəti sorəqardışi astanədə əncom bıə, İslomi İnğilob Yolə Rəhbər, Doktor Beheşi hoze elmi ali rotbə, vey ko kardə kəs, nəzmi hozzədə oşkoə nımunə, milləti sıxənon məseyro hətto muxalifonro vey pur hovsələ və be 2 diməti zınəşe və hamiyəşe: ımruj həm Beheşti ko iyən əxloği xusiyəton həmmə kəsonro ibrətomize.

Ə Həzrət məhkəmə ğıvvə nizomi vey muhimmə əsosku zınəşe ki çəy mısbətə hərəkəton bə milləti jimon və nizomi hədəfon bənav şeyro, nığılə təsirış heste və mənfiyə ehtımoliyə hərəkəton, muhimmə zərbə və problem icod bəkarde.

Həzrəte Ayətullah Xamenei ijən hamiyəşe: məhkəmə təşkiloti təhəvulinə sənədi komil surət icro kardey, ım məhkəmə daxıl iyən xarıcədə de Fəsod mobarizə bardey, həmmə şəxson həxon bəji kardey, ğanuniyə ozodətion təmin kardey və qınoh əncom doey vəy qətey məhkəmə ğıvvə vey muhimmə məsuliyətonku heste.

Im vindemoni əvvələdə həmçınin məhkəmə ğıvvə yol, Huccətul İslom vəlmuslemin Muhseni Ejei ım ğıvvə muxtəlifə hərəkəton və fəaliyətonku qıləy raporti ğolibədə, kali məlumatonış do və ım ğıvvə rabitə de co ğıvvon və həmçınin de milləti muxtəlifə qrupon və ellitaon həmkoəti mılış nıbıə rabitə bəyonış kardə və votışe: lm icloson nəticə, iminnə və muhimmə koon təyin kardey və problemon peqəteyro bə vahidə hələkə roy rəsey be.