Əmir Əbdullahiyan İsveçi bə Ğıroni təhğır kardey dastək doey əloğədor tənğıd kardey.
İroni xarici kon vəziri votəşe:Dini mığəddəson və Kərimə-Ğıroni de hiç qıləy əsosi təhğır kardey çı İsveçi tərəfiku icozə doey ğəbul bıənin ni.
İsveçi apellyasiyə məhkəmə polisi bo Ğıroni sutuneyro təşkil kardə nımoyişi ğədəğən kardey ləğviku dı haftə bədiqə polis çoşanbə ruji çı mısılmınon Ğıbonə idi zəmonədə bə nımoyişi təşkilotçiyon Ğıroniı nusxə sutuney nımoyişi icozəş doə.
Demi əloğədor bə İRNA məlumoti əsos,İroni xarici kon vəzir Huseyn Əmir Əbdullahiyan pencşambə ruji ıştə tvitədə nıvıştəşe:qırd İslomi Dınyo mığəddəssə kitobon və Kərimə-Ğıroni təhğır kardey de şiddəti məhkum kardedə.
Əmir Əbdullahiyani əlovəş kardə:İsveçi tərəfiku heç de hiç qıləy əsosi dini mığəddəson və Kərimə-Ğıroni təhğır kardey İsveç tərəfiiku icozə doey,de heç qıləy əsosi ğəbul bıənin ni.
İroni xarici koon vəziri tviti dəvomədə jıqo votey beydə: “Demokratiya və ın rəftoron ozodəti zıney, fəğət bə terrorizm və ekstremizmi səmt təşviğ kardedə.çəy duyəvulə har tərəfiku sıftə bə ğərbi çəşi dəbəşe.
Oxonə soronədə Avropa bəzi və xısusən Skandinaviyə kişfəron bo mısılmınon mığəddəson be ehtıroməti və təhğır kardey səhnə bıə.çı İsveçi polisi dastəki sayədə rostə ekstremiston Kərimə-Ğıronışon sutunə və çı mısılmıno etırozon həm etosniyey bıə.
